Të ftuar në pjesën e dytë të emisionit “Ndryshe” në Top Albania Radio kanë qenë Artjola Toska dhe Irkenc Hyka, dy emra të njohur në skenën e muzikës shqiptare. Bashkëpunimi i tyre i fundit, i cili titullohet “Gabova”, ka tërhequr vëmendjen e publikut.
Përveç këtij projekti, sigurisht nuk kishte si të mos përmendej edhe fenomeni i BBV, ku Irkenci është përmendur së fundmi në lidhje me një projekt që do të realizojë me ish-banorin Klajdi Musabelliu.
Lidhur me projektin e tij muzikor të ardhshëm, Klajdi në “Big Brother Radio” u shpreh:
Sot isha në studion e Irkenc Hykës, kënga do të pëlqehet shumë. Është këngë shumë e bukur. Është edhe Irkenci. Nuk është baladë. Është edhe Petro pjesë e këngës, mund të kemi edhe diçka me Petron.
Në lidhje me këtë deklaratë të tij për këtë projekt, Irkenci tha:
Ai e meriton falas, se realisht kur pashë historinë e Klajdit u preka. Ndonjëherë them ‘faleminderit Zot na lër këtu ku jemi sepse jemi shumë mirë’. Kemi punuar dhe çdo gjë në rregull. Kur sheh gjërat që të rrethojnë dhe shikon atë historinë, domethënë nuk ja uroj asnjë artisti. I nisa një mesazh Ledionit që kurdo që të dalë, e ka derën hapur tek studio ime.
Për më tepër, ai zbuloi edhe disa detaje ekskluzive rreth këngës:
Jo, nuk është baladë. Është dance. Është shumë e bukur dhe Klajdit i shkonte shumë.
