Kryeministri i Shqipërisë Edi Rama ka vlerësuar kontributin e vyer të albanologut Robert Elsie i cili u nda nga jeta.
Në një postim në Facebook Rama kujton veprat e rralla të albanologut me origjinë kanadeze përmes të cilave bëri të njohur Shqipërinë në botë, dhe në fund uron të prehet në paqe.
Postimi:
IN MEMORIAM
Robert Elsie, albanologu i shquar me origjinë nga Kanadaja, me veprimtarinë e tij të vyer 40 vitet e fundit bëri të njohur botërisht historinë, artin dhe kulturën e kombit shqiptar me një dashuri e pasion të pashoq. Në trashëgiminë me vlera të jashtëzakonshme që na la pas, të spikasësh përkthimin e dorëshkrimit më të vjetër të historisë shqiptare nga prifti francez Jean-Claude Faveyrial; volumin UNESCO të Antologjisë Moderne të poezisë shqipe; Këngët e Kreshnikëve, veprat e Migjenit dhe Ali Podrimes; apo kryeveprën ‘Lahuta e Malsisë’ të Fishtës, është shumë pak…
U prehsh në paqe mik i mirë
/a.m.
