Zbulohet identiteti i shqiptarit, që u arrestua dje në Itali, në kuadër të operacionit për trafikun e drugës nga Amerika Jugore drejt Europës.
Vlera e drogës së kapur do t’u kishte sjellë përfitime rreth 120 milion euro organizatës.
Operacioni i madh në Greqi u zhvillua janarin e kaluar ku u arrestuan tetë të huaj, shqiptarë dhe marokenë, ndërsa 1.200 kg kokainë dhe armë u kapën dhe u sekuestruan në Astakos. Të mërkurën u arrestua edhe një burrë grek banues Kallithea si pjesë e rrjetit ndërkombëtar të drogës.
Mediat greke raportojnë se është arrestuar Alfred Arapi, nga Mirdita, i cili kishte një rol të rëndësishëm në vendimet dhe veprimet e organizatës së trafikut.
Policia gjithashtu raportohet se e dinte që 42-vjeçari kishte para për të organizuar udhëtimin dhe për të transportuar drogën.
Shqiptari, i cili nuk kishte rënë kurrë në duart e autoriteteve greke, ishte me dy persona të tjerë në BMW të zezë kur u vu re nga policia italiane në Pordentone, në veri të shtetit fqinj. Sipas autoriteteve italiane, ai jetonte për një kohë të gjatë në zonë dhe mbante një biznes tregtie hekuri.
Pas arrestimit të tij, autoritetet greke u informuan dhe procedurat për ekstradimin e tij në Greqi tashmë kanë filluar.
/a.r
