Ndërron jetë pas 4 ditësh në spital 53-vjeçarja Kade Kupa, e cila u përplas nga një makinë në Tiranë në pasditen e 23 qershorit.
53-vjeçarja ishte duke ecur në rrugë në çastin kur është aksidentuar nga një “Audi A3” me targë AA644FP, me drejtues 34-vjeçarin Kalem Nelin, i cili pas aksidentit është vënë në prangat e policisë.
Menjëherë pas përplasjes ajo është transportuar në spital por pa mundur të mbijetojë. Policia e Tiranës njoftoi zyrtarisht sot se 53-vjeçarja humbi jetën në spital më 27 qershor, rreth orës 16:00.
“Materialet në ngarkim të 34-vjeçarit u referuan në Prokurorinë pranë Gjykatës Shkallës së Parë Tiranë për veprën penale ‘Shkelja e rregullave të qarkullimit rrugor’, parashikuar nga neni 290 i Kodit Penal”, njoftoi Policia./a.m.
