Deputeti i opozitës parlamentare, Ralf Gjoni ka sqaruar sherrin me Halit Valterin sot në Kuvend, duke thënë se ka pasur një keqkuptim por e sqaroi në replikë me Myslim Murrizin.
Ralf Gjoni thotë se nuk e kuptoi acarimin e Halit Valterit, pasi vetë deputeti nuk përmendi emra, por tha se nuk e kupton ende pse ka dalë ky lajm.
“Në fakt se di pse ka dalë ky lajm. Unë isha shumë i fokusuar tek debati për KLGJ, ku ndërhyva, ku thashë se pa ndryshim sistemi s’mund të presim një reformim drejtësi. Ka pasur një keqkuptim që e sqarova me Murrizin, që gjej rastin ta falënderoj që më dha mundësinë ta shprehja.
Unë fola për lojëra politike nga të gjitha anët në kurriz të Reformës në Dretjësi dhe Zgjedhore. Që ne e kemi pasur kauzë. Thembra e akilit gjatë angazhimit parlamentar. Propozimet tona konkrete që ne i kemi në Kuvend. Nuk e mora vesh sinqerisht, pashë një acarim momental, por nuk e kuptova fare se pse ka dalë ky lajm. Unë nuk përmenda asnjë emër, përmenda vetëm Taulant Ballën që duhet të sqarojë qëndrimin e PS për hapjen e listave elektorale. ”- tha Ralf Gjoni në News 24.
Debati mes dy deputetëve ndodhi në momentin kur në foltore ishte ministrja Etilda Gjonaj dhe u desh ndërhyrja e disa deputetëve si Myslim Murrizi dhe të tjerë për të larguar Valterin larg Gjonit dhe për të qetësuar situatën.
/e.rr
