Deputeti i Partisë Demokratike, Ervin Salianji doli në një deklaratë për mediat për të folur në lidhje me pezullimin për 19 deputetë të opozitës. Sipas tij një vendim i tillë nuk mund të merret nga qeveria, por duhet bërë me votë dhe me zgjedhje të lira.
Salianji i bëri thirrje qeverisë dhe kryeministrit Rama që të njohë opozitën reale, ndërsa Parlamentit Europian i kërkoi të dërgojë një mision monitorues në Shqipëri.
“Konsiderata alarmi dhe thirrjet e tyre për dialog dhe konsensus po shpërfillen nga Edi Rama. Shkarkimi për një farë kohe i 19 deputetëve të opozitës nuk mund të bëhet nga qeveria dhe nga kundërshtari politik, por mund të ndodh vetëm me votë në zgjedhje të lira dhe të ndershme.
I bëjmë thirrje Edi Ramës, atij dhe vetëm atij duke e ditur se delet e tij në Kuvend kanë vetëm fuqi kujdestarie dhe kurrsesi vendimmarrje, të ndalë provokimin ndaj opozitës. Të ulë armët e mosnjohjes të opozitës reale, përndryshe ne do i përgjigjemi me të gjitha armët dhe format e mosbindjes civile. I bëjmë thirrje Parlamentit Europian të dërgojë një mision monitorues në Shqipëri që të ndalojë degjenerimin e kuvendit dhe kthimin e tij në shina europiane, larg prej stilit putinan rus”,-tha Ervin Salianji.
Kujtojmë se Sekretariati i Etikës në Kuvendin e Shqipërisë vendosi këtë të hënë përjashtimin me 10 ditë të 18 deputetëve të PD-së nga seancat plenare dhe me 20 ditë të deputetit Ervin Salianji.
Vendimi u mor pasiPartia Socialiste kërkoi më herët përjashtimin e 19 deputetëve të PD-së të cilët bllokuan punimet e Kuvendit të Shqipërisë dhe Komisionit të Posaçëm të Reformës Zgjedhore.
Deputetët të cilët janë përjashtuar nga punimet e Kuvendit janë Albana Vokshi, Sorina Koti, Elda Hoti, Lindita Metaliaj, Isuf Çela, Tritan Shehu, Lefter Gështenja, Helidon Bushati, Xhelal Mziu, Edmond Spaho, Oerd Bylykbashi, Ervin Salianji, Samir Korreshi, Kasem Mahmutaj, Ramadan Likaj, Kastriot Piroli, Qani Xhala, Lodovik Hasani dhe Luan Baçi.
/f.s
Salianji babalja jam.leket kur do mi japesh.