Ish-Presidenti i Serbisë, Tomislav Nikoliç u përfshi në një aksident automobilistik pasditen e kësaj të diele (21 qershor).
Sipas medieve serbe, ngjarja ndodhi rreth orës 16:00 në Lapovë.
Makina në të cilën ndodhej ish-presidenti u godit nga një automjet i Ministrisë së Brendshme i cili u fut në kundërvajtje.
Fatmirësisht nga aksidenti nuk pati persona të lënduar por vetëm dëme materiale.
Pas aksidentit ka folur edhe vetë ish-Presidenti i cili shprehet se nuk ishte asgjë serioze.
Gjithashtu ai shprehet se po shkonte për të votuar. Kujtojmë që këtë të dielë në Serbi po zhvillohen zgjedhjet lokale dhe parlamentare.
