Televizioni “Spike” festoi edicionin e dhjetë të ceremonisë së shpërblimeve “Guys Choice Awards”, me ç’rast shokët e shpërblyer me Oscar, Ben Affleck dhe Matt Damon, u nderuan me çmimin ‘Guys of the Decade”.
Ceremonia, e cila do të transmetohet në kanalet amerikane, i nderon “mbretërit e të qenit cool, meshkujt, femrat dhe heronjtë e vitit të kaluar”.
Affleck dhe Damon ishin të pranishëm në ceremoni, për ta pranuar çmimin e tyre, me ç’rast edhe bënë shaka me faktin se me fitimin e këtij shpërblimi ata i kanë mundur yjet e Hollywood-it të tillë si: George Clooney, Brad Pitt, Channing Tatum dhe Jonah Hill, përcjell Express i KTV-së.
Ndër personat e tjerë të nderuar gjatë mbrëmjes ishin James Franco, i cili e mori çmimin ‘Virtuoso Aëard’, Kobe Bryant, i cili u shpërblye me çmimin ‘Atleti më i mirë i dekadës’ dhe Gigi Hadid, e cila e pranoi çmimin ‘Neë Girlfriend Aëard.’
Mbrëmja u karakterizua me prezencën e aktorit dhe regjisorit ikonik Clint Eastwood, i cili ua ndau çmimin ‘Hero Award’ Alek Skarlatos, Anthony Sadlerit dhe Spencer Stone-it, tre amerikanët, të cilët e luftuan një njeri të armatosur në një tren të Parisit. Ngjarja kishte ndodhur në gusht të vitit të kaluar. (b.an)