Gjykata e Shkodrës ka lënë të lirë 14 efektivët e policisë të arrestuar si të dyshuar për favorizime në tendera në Malësinë e Madhe. Ish-shefi i rendit Saimir Rustemi dhe 12 efektivë të tjerë të policisë janë liruar nga qelia ndërsa vendimi jashtë Gjykatës së Shkodrës është pritur jashtë me duartrokitje.
Ish shefi i rendit Saimir Rrustemi është lënë në arrest shtepie së bashku me Luida Ujkan, Mustaf Ishmakun, Xhavit Isufin, Rudina Keqin, Klement Tolen, Paulin Prendin, Rrezert Prelën dhe Veronika Xhafajn. Ndërsa Arsenida Hadri dhe Briland Mnela janë lënë në detyrim paraqitje.
Ditën e sotme, jashtë gjykatës qytetarë të ndryshëm me postera në duar protestuan në mbrojtje të Rustemit
“Nderoni veten! Lironi shef Saimirin”, ” Shkodra do shef Saimirin Jo Kriminelet”, “Shef Saimiri, krenaria e policisë”, ishin disa nga mesazhet që ata mbanin në posterat e tyre.
Ish-shefi Saimir Rrustemi përlotet pasi pritet me gëzim e duartrokitje nga familjarët dhe miqtë. Efektivë dhe ish-efektivë të Shkodrës u arrestuan pas akuzave për abuzim me tenderin e rikonstruksionit të godinës së komisariatit të Malësisë së Madhe.
Ndërkaq pas daljes nga gjykata, kryekomisar Saimir Rrustemi u përshëndet me protestuesit pas vendimit të gjykatës së Shkodrës e cila e la me masën e sigurisë arrest shtëpie duke e zbutur masën e mëparshme arrest me burg. Ndërsa është shoqëruar me duartrokitje përpara gjykatës si dhe lot gëzimi nga protestuesit dhe kryekomisar Saimir Rrustemi.
Masat e sigurisë:
Saimir Rrustemi – arrest shtëpie
Luida Ujka – arrest shtëpie
Mustaf Ishmaku – arrest shtëpie
Xhavit Isufi – arrest shtëpie
Rudina Keqi – arrest shtëpie
Arsenida Hadri – detyrim paraqitje
Briland Mnela – detyrim paraqitje
Klement Tola – arrest shtëpie
Paulin Prendi – arrest shtëpie
Altion Basha – detyrim paraqitje
Armand Basha – arrest shtëpie
Rezart Prela – arrest shtëpie
Veronika Xhanaj – arrest shtëpie./m.j
