Policia e Sarandës ka ndaluar një të ri me akuzën se ka mashtruar tre persona dhe iu ka marrë paratë. Sipas të dhënave zyrtare është arrestuar shtetasi i shpallur në kërkim A.S., 25 vjeç, banues në Ksamil, Sarandë për veprën penale “Mashtrimi”.
Ndalimi i tij u bë pasi ky shtetas ishte shpallur në kërkim për arsye se kishte mashtruar 3 shtetas të tjerë kundrejt pagesës me qëllim për t’i çuar në shtetin Gjerman.
Materialet iu referuan Prokurorisë për veprime të mëtejshme. /e.s/
