Pas më shumë se 12 orë kërkime, polumbarët kanë gjetur ditën e sotme trupin e pajetë të turistit cek i cili u mbyt një ditë më parë në lumin Kir.
Policia ka identifikuar turistin, dhe bëhet fjalë për shtetasin çek Adem Baron, trupi i të cilit u gjet rreth orës 11;15. Kërkimet për gjetjen e turistit filluan që prej orës 06:00 të mëngjesit të sotëm.
Turisti cek humbi jetën teksa ishte duke lundruar me varkë në ujërat e lumit Kir, në komunën Postribë të zonës së Dukagjinit. I riu ka qenë së bashku me bashkëshorten duke bërë rafting, kur varka e tyre është përplasur me një shkëmb.
Përplasja ka rezultuar fatale, pasi 22-vjeçari ka rënë në lumë dhe rrjedha e fortë e ka shtyrë disa metra larg. Ndërsa, gruaja e tij ka mundur të dalë dhe menjëherë ka kërkuar ndihmën e banorëve të zonës.
Redaksia Online
(JavaNews.al)