Ju kërkua të kontribuojnë me pagën e tyre për të paktën tre muaj për të përballuar ekonomikisht luftën dhe pasojat e pandemisë Covid 19, por dy deputetët e opozitës parlamentare Myslim Murrizi dhe Artur Roshi jane shprehur kunder.
Por jo vetem kaq. Murrizi e Roshi kane paditur në gjykatë kuvendin e Shqipërisë, padi e cila eshte depozituar në gjykatë më datë 13 maj 2020, padi me të cilën kërkojnë anulimin e vendimit nr 44 të byrosë së kuvendit.
Më 2 prill 2020 me vendimin 44 me shumicë të votave byroja e kuvendit vendosi që deri në përfundim të pandemisë Covid 19, por jo më shumë se tre muaj deputetët të përfitojnë pagë 50 % të pagës aktuale neto. Por pikërisht ky vendim sipas deputetëve është i padrejtë dhe duhet anuluar pasi atyre u janë cenuar interesat e ligjshme.
Roshi e Murrizi kërkojnë që t’u paguhen të gjithë përfitimet financiare, të cilat ua siguron “statusi i deputetit” për periudhën Mars 2020- Maj 2020 dhe se pagesa t’i pasqyrohet në librezën e punës dhe atë të kontributeve shoqërore.
Aktualisht kuvendi i Shqipërisë ka 122 deputetët ndërsa vetëm Murrizi e Roshi rezulton se kanë depozituar padinë duke kërkuar gjysmën e pagës së mbajtur për tre muajt Mars, Prill, Maj.
Me pagën e tyre në fondin e veçantë për përballjen me Covid 19 kontribuuan e një sërë institucionesh publike pas letrës së dërguar tek ta prej kreut të kuvendit Gramoz Ruçi.
Megjithatë deputetët nuk janë ankuar deri me tani për dietat dhe tollonin për naftën që morën gjatë kohës së izolimit, edhe vendi ishte në “shtetrrethim” dhe puna në Kuvend ishte pezulluar për të parandaluar përhapjen e pandemisë.
