Një tjetër rast i largimit nga banesa është regjistruar dhe këtë herë bëhet fjalë për një vajzë 18-vjeçare. Adoleshentja u shpall u zhdukur 1 ditë më parë, por fatmirësisht ajo u gjet nga forcat e rendit ditën e sotme dhe ishte në gjendje të mirë shëndetësore.
Shtetasja A.Q. me banim në Krujë, u gjet nga policia e Durrësit rreth 24 orë pasi kishte bërë denoncim babai i saj në polici, edhe ky me inicialet A.Q. Ai kishte deklaruar në polici se vajza u largua pasi kishin debatuar. Mësohet se adoleshentja ishte qortuar nga familjarët pasi ata dyshonin për lidhjen e saj me një djalë.
Ata nuk e pranonin këtë fakt dhe i kanë kërkuar llogari. Pas debateve ajo është larguar nga banesa dhe u rikthye aty vetëm pasi u gjet nga policia.
Mësohet se vajza deklaroi se polici se u largua me dëshirë nga banesa. Ajo pranoi se u largua pas debateve me fmailjarët e saj. Mësohet se e reja ka thënë para uniformave blu se nuk mund të duronte poshtërimet dhe qortimet ndaj vendosi të largohet. Prokuroria e Krujës po ndjek hetimet në vijim për rasitn në fjalë./JavaNews/a.m.
