Policia e Elbasanit ka arrestuar katër persona, të cilët transportonin lëndë narkotike, me qëllim shitjen e saj. Në pranga përfunduan Sejdi Metani, 25 vjeç, Mikel Halilaj, 22 vjeç, Flurat Ymeraj, 25 vjeç, banues në Vlorë dhe Pavllo Bala, 22 vjeç, banues në fshatin Pilur, Himarë.
Në rrugën që lidh Lushnjën me Belshin, në Dragot, uniformat blu bënë lokalizimin dhe bllokimin e automjeteve me të cilat dyshohej se transportohej droga.
Nga kontrolli fizik i personave të arrestuar dhe mjeteve tip ”Audi A6” dhe “Volkswagen” u gjet lëndë narkotike e dyshuar cannabis sativa, me peshë 48 kilogramë, 1 thikë dhe 3 aparate celulare.
Vijon puna për identifikimin dhe kapjen e personave të tjerë të implikuar në këtë veprimtari kriminale.
/a.r
