Gjykata e Tiranës ka vendosur masën e sigurisë arrest në burg për Ismail Morinën. Gjykata pranoi kërkesën e prokurorisë duke refuzuar avokatin që kërkoi arrest shtëpi, ndërsa ka lënë të lirë tre të tjerët.
Ballist Morina u arrestua dy ditë më parë me 2 pistoleta, 36 fishekë dhe 36 bileta të ndeshjes.
“Jam i keqardhur për situatën e krijuar, mbaj përgjegjësitë e mia. Do të doja të isha para një trupi gjykues serb ku të tregoja krenarinë shqiptare.
Fatkeqësisht jam para një gjykate shqiptare. Nuk kërkoj mëshirë, jam këtu për të kërkuar mirëkuptim. Kam një familje që i mungoj e më mungon.
Në rast të një vendimi negative nga ju si gjykatë nuk ka për të fituar askush. Në rast se më lironi do të nderoj’ tha Morina.
