Gjashtë fëmijë të pavaksinuar janë izoluar prej disa ditësh pas infektimit me fruth në Durrës. Lajmi konfirmohet edhe nga drejtuesja e Njësia Vendore të Kujdesit Shëndetësor Durrës Aurora Hyka.
Fëmijët, që i përkasin moshave të ndryshme, pas konstatimit të infektimit janë izoluar për të shmangur përhapjen e infeksionit dhe te bashkëmoshatarët e tyre në shkollën që ata ndjekin. Gjendja shëndetësore e fëmijëve tani paraqitet e stabilizuar, ndërsa për shkak të refuzimit të prindërve të tyre asnjëri nuk është vaksinuar kundër fruthit e rubeolës.
Ndërkaq në farmaci të ndryshme të Durrësit ka pasur raste pacientësh që kërkojnë trajtim për sëmundjen infektive të zgjebes, por NJVKSh mohon të jenë paraqitur dhe konstatuar raste me këtë sëmundje infektive.
/f.s
