Deputeti i Kuvendit të Shqipërisë, Enver Roshi, ka reaguar pas bërjes publike të lajmit se ai ka rezultuar pozitiv me koronavirus.
Përmes një shënimi në facebook, Roshi falenderon të gjithë ata që janë interesuar për të, duke iu kërkuar falje që nuk mund t’u përgjgijet telefonatave të shumta.
Ai thotë se është në gjendje të qendrueshme shëndetësore dhe u bën apel qytetarëve që të zbatojnë masat kundër pandemisë.
Postimi i plotë Enver Roshit:
Në pamundësi të përgjigjeve të telefonatave të panumërta dhe të shqetësimit të drejtë dhe të sinqertë të të gjithë miqve dhe të afërmve të mi nga i gjithë vendi kërkoj mirëkuptimin vëllazëror të tyre që nuk mund të komunikoj nëpërmjet telefonit.
Me sinqeritetin më të madh, porosia ime në këtë situatë është: “Cdo gjë është në dorë të qytetarëve”. Është detyra jonë të ruajmë veten dhe të tjerët, të ruajmë shëndetin tonë, njësoj si edhe shëndetin publik.
Në këtë kuadër, masat e thëna dhe stërthëna, të na shërbejnë me përgjegjshmëri në këtë sakrificë njerëzore dhe qytetare për hir të shëndetit. “Ruaj veten dhe të tjerët”
Nderkohe ju njoftoj jam shume me parametrat normale!
Ju faleminderit nga zemra !!
