Nuk ia ka dalë. 35-vjeçarja nga patosi e cila u hodh nga kati i katërt i pallatit ka ndërruar jetë në spital për shkak të plagëve të marra.
Ajo u dergua në gjendje të rëndë për jetën në spitalin e Fierit por me gjithë ndihmën mjekësore nuk ia ka dalë. Dyshohet se ajo ka qene ne kushtet e depresionit kur ka ndodhur ngjarja.
Informacioni paraprak fillestar per ngjarjen:
Në datën 28.05.2018, rreth orës 16:25, në Urgjencën e Spitalit Fier ështe sjellë nga familjarët në gjendje të rëndë shëndetësore shtetasja E.S, 35 vjeçe, banuese në Patos.
Dyshohet se shtetasja E.S është hedhur nga kati i katërt i pallatit ku banon.
Shtetasja e mësipërme ndodhet në sallën e kirurgjisë, nën kujdesin e personelit mjekësor.
Grupi hetimor po punon për zbardhjen e plotë të kësaj ngjarje./a.m.
