Arrestohet një nga hajdutët që kryente vjedhje në banesat e kryeqytetit, veprimtari kriminale të cilën kishte muaj që e kryente. Nga shërbimet e Komisariatit të Policisë Nr.1 , ra në pranga një 37-vjeçar i cili ishte i dënuar më parë.
Sipas policisë ai ka kryer edhe tre raste të tjera të vjedhjes në banesa gjatë vitit 2019.
37-vjeçari B. Ç., është banues në Babrru të Tiranës dhe ishte i dënuar më parë për vjedhje.
Në cilësinë e provës materiale u sekuestrua një çantë shpine me disa prej sende të vjedhura.
“Zbardhen dhe dokumentohen dhe tre raste të tjera të vjedhjes në banesa të kryera gjatë vitit 2019 po nga ky shtetas.
Në vijim të punës për parandalimin e vjedhjeve, zbardhjen e atyre të ndodhura më parë si dhe për kapjen e vënien para drejtësisë të autorëve, Specialistët për Hetimin e Krimit në Komisariatin e Policisë nr 1, si rezultat i punës hetimore të kryer dhe informacioneve të siguruara në rrugë operative për vendndodhjen e personit që dyshohej si autor i vjedhjes së banesave, bënë të mundur kapjen dhe ndalimin e shtetasit B. Ç., 37 vjeç, banues në Babrru/Tiranë . I dënuar më parë për “ Vjedhje”.
Nga tërësia e veprimeve hetimore të kryera dyshohet se ky shtetas është autor edhe i tre rasteve të tjera të vjedhjeve të banesave të ndodhura në juridiksionin e Komisariatit të Policisë Nr.1, gjatë vitit 2019.
Në cilësinë e provës materiale u sekuestrua një çantë shpine me disa prej sende të vjedhura.
Materialet iu referuan për veprime të mëtejshme Prokurorisë së Rrethit Gjyqësor Tiranë për veprën penale “Vjedhja””, bën me dije policia.
g.kosovari
