19-vjeçari Erjon Xhenje humbi jetën mbrëmjen e të dielës pas një atentati, teksa ishte në një lokal në Shkodër.
Vrasja e tij mbetet ende mister, teksa policia po heton mbi provat e gjetura në vendngjarje, por dhe armën e motorin e djegur që u gjetën pak pasi ndodhi ngjarja.
I riu rezulton me precedent të pastër penal, duke mos qenë i përfshirë në ngjarje të mëparshme kriminale. Megjithatë, një ndër pistat kryesore që po heton policia ëhstë ajo e hakmarrjes, për shka se dy kushërinjtë e tij Sehar dhe shkëlzen Xhenje janë persona të lidhur me krimin. Këta të fundit dyshohet të jenë përfshirë edhe në vrasjen e Ismet Çekorjes.
Nuk hidhet poshtë as ideja se 19-vjeçari mund të jetë përfshirë së fundmi në një ngjarje kriminale. Dyshime ngre për këtë dhe deklarata e babait të tij, i cili tha se prej disa javësh po kërkonte shtëpi me qira për ta larguar familjen e tij nga Shkodra. Kështu, familja mund të kishte dijeni për një rrezik tëm undshëm që i kanosej 19-vjeçarit.
/e.d
