Ngjarja e rëndë në Shkodër, ku mbeti i vrarë Elis Rroshkodoli është zbardhur. Burime pranë Policisë së Shkodrës bëjnë me dije se një shtetas është vënë në pranga në lidhje me vrasjen e regjistruar pak ditë më parë.
Sipas të dhënave nga blutë e Shkodrës janë shoqëruar në polici disa persona, të cilët kanë dhënë detaje në lidhje me këtë atentat të ndodhur në rrugën “Isuf Sokoli” në Shkodër. Kjo ka ndihmuar në zbardhjen e të dhënave për këtë ngjarje.
Për momentin nuk ka detaje të tjera në lidhje me identitetin e personit të arrestuar nga Policia e Shkodrës, por pritet të ketë një komunikim zyrtar nga ana e uniformave blu.
Kujtojmë se viktima, Elis Rroshkodoli mori 14 plumba në trup, nga 18 që u gjetën në vendin e ngjarjes.
***
Burime nga policia e Shkodrës bëjnë me dije se një person është arrestuar si autor i dyshuar i vrasjes se Elis Rroshkodolit, ngjarje e ndodhur pak ditë më parë.I arrestuari si i implikuar në këtë ngjarje është 26-vjeçari me iniciale XH.M., ndërsa janë shpallur në kërkim dhe tre persona të tjerë, shtetasit J. Xh., 31 vjeç, V. Xh., 38 vjeç dhe D. M., 42 vjeç.
Po ashtu, është zbuluar një garazh në Tiranë që iu shërbente 4 shtetasve, si bazë kriminale për të fshehur automjete të trafikuara, të cilat do të përdoreshin gjatë kryerjes së krimeve.
Nga kontrollet në këtë ambient u gjetën dhe u sekuestruan në cilësinë e provës materiale 3 automjete të dyshuara të trafikuara dhe pjesë të automjetit të dyshuar të përdorur nga autorët, gjatë vrasjes së shtetasit E. Rr. (Sh.).
Materialet procedurale i kaluan Prokurorisë së Shkodrës, për veprime të mëtejshme.
/a.r
