Ministri i Brendshëm Saimir Tahiri ka reaguar për videon e publikuar në rrjetet sociale ku një qytetar denonconte sjelljen e Policisë Rrugore e cila jo vetëm që nuk dinte Kodin Rrugor por edhe po gjobiste drejtuesin e automjetit.
Përmes një postimi në rrjetet sociale Ministri Tahiri thekson se kjo sjellje e policisë është e papranueshme duke paralajmëruar kështu masat ndaj oficerëve të Policisë Rrugore. Në këtë drejtim Tahiri ka përsëritur thirrjen ndaj qytetarëve që të denoncojnë çdo abuzim nga ana e uniformave të rendit.
“Kjo eshte sjellje e papranueshme per Policine e Shtetit qe duam te ndertojme. Falenderoj qytetarin dhe portalin per publikimin e videos duke inkurajuar me shume qytetare te bejne te njejten gje. (ne shume vende eshte kthyer tashme ne praktike pajisja e makines me nje kamera te thjeshte qe kushton me pak se 30 euro).
Kjo eshte forca jone! Te behemi bashke me qytetaret per te mos pranuar modelin e abuzimit.
Sa me shume denoncime te tilla, aq me e lehte per te shmangur abuzimin.
Ndaj po reformojme Policine, ndaj kemi ngritur Akademine e Sigurise si institucion i arsimit te larte, ndaj po investojme per kamerat e trupit per cdo punonjes policie, por mbi te gjitha, ndaj kerkojme kontributin e cdo qytetari.
Keshtu behemi bashke per #policineqeduam” shkruan Tahiri
