Bardhok Noka, i dënuar më parë 7 vite e gjashtë muaj burgim për tentativë vrasjeje, është shpallur i pafajshëm nha Gjykata e Apelit në Tiranë.
Noka ishte dënuar për ngjarjen e datës 28 prill 2020, ku në aksin rrugor Mamurras – Ura e Drojës, në dalje të qytetit të Mamurrasit, pas një konflikti verbal me shtetasin me iniciale K(N)SH(P), dyshohej se ka qëlluar me armë zjarri drejt makinës së këtij të fundit.
Më 10 maj 2021 Gjykata e Rrethit Gjyqësor Kurbin, vendosi dënimin e Nokës gjithsej me 7 vite e gjysmë. Ky vendim u ankimua nga Prokuroria e cila kërkoi 14 vite burg, ndërsa edhe Badhok Noka nga ana e tij ankimoi vendim në Apel dhe kërkoi pafajsi.
Por në një vendim të marrë sot nga trupa gjykuese me Edlira Petri relatorë si dhe anëtarë Valdete Hoxha dhe Genti Shala, Gjykata e Apelit të Tiranës e ka shpallur të pafajshëm përfundimisht Bardhok Nokën.
/e.d
