Violinisti, përkthyesi dhe intelektuali shqiptar Tedi Papavrami është dekoruar me “Yllin e Oficerit të Urdhrit Suprem të Shqiponjës” nga kryeministri Edi Rama, në një ceremoni të zhvilluar në Tiranë.
Gjatë fjalës së tij, Papavrami u shpreh i emocionuar për këtë vlerësim, duke kujtuar komunikimet e hershme me Ramën në Paris dhe lidhjen e pandërprerë me Shqipërinë.
Papavrami theksoi se, pavarësisht sfidave dhe kontradiktave që ka përjetuar ndër vite, nuk e ka humbur kurrë lidhjen me vendin e tij.
“Jam shumë i prekur nga fjalët që the sepse mu kujtuar komunikimi që kemi pasur dikur kur flisnim në Paris, sigurisht që jeta politike shumë e zënë i ka rrallësuar. Jam shumë i prekur që marr sot këtë vlerësim në Tiranë dhe është një ndjesi e çuditshme e kohës që kalon dhe e rrugëve të paparashikueshme të jetë. Historia ime në këtë vend shumë herë kontradiktore sepse kam njohur shumë herët dashamirësinë dhe admirimin e publikut.
Pavarësisht gjithçkaje unë nuk kam humbur kurrë lidhjen time me Shqipërinë dhe rikthimi në gjuhën time përmes përkthimit të Ismail Kadaresë qe një etapë shumë e bukur dhe e papritur për të cilën gjithmonë do ti mbetem mirënjohës”, u shpreh Papavrami.
Nje nga familjet me te priviligjuara ne Tirane. Ky flet brockulla.Djali i Enverit i percolli ne rinas me te gjitha violinat dhe sendet e tjera.Doktori plak e quan ne KOTE te Vlores .Jo po thote se ka qene i ndjekur nga regjimi ky ishte femije atehere,i ati hynte ne bllok per te mesuar niperit e Diktatorit.