Kreu i PD Lulzim Basha është paraqitur këtë mëngjes në Gjykatën e Posaçme.
Mësohet se Basha është thirrur për të dëshmuar pasi ka paditur kryebashkiakun e Tiranës Erion Veliaj.
Kujtojmë se kryedemokrati ka dorëzuar një padi për shpifje ndaj Veliajt. Ndërkohë seanca e radhës pritet në 24 shtator.
Çështja ka të bëjë me fushatën e zgjedhjeve të 25 prillit, ku sipas kreut të PD, Veliaj, në cilësinë e drejtuesit të fushatës të PS në Qarkun e Tiranës, ka bërë tre akuza konkrete ndaj Bashës, të cilat demokratët i konsiderojnë si shpifje. Basha pretendon se nuk është bërë me katër shtëpi pas tërmetit të 26 nëntorit, se nuk ka përfituar gjatë periudhës së fatkeqësisë së tërmetit dhe se ka ndërtuar pa leje.
Me sa duket, kreu i PD ka nisur të besojë te drejtësia e re që e sulmon aq shumë. Por Basha ka zgjedhur të paraqitet në dyert e gjykatave kur e akuzojnë. Ndërsa për akuzat e tij ndaj të tjerëve nuk ka paraqitur ndonjëherë padi.
/a.r
