Prokuroria urdhëron lirimin e Kastriot Myftarajt, i cili u arrestua mbrëmjen e kaluar nga policia. Sipas prokurorisë materialet e referuara nga policia nuk përbëjnë vepër penale. Prokuroria e Tiranës thotë se në shkrimin e gazetarit nuk është konsumuar vepër penale, por hetimi do të vazhdojë.
Gazetari Kastriot Myftaraj u arrestua mbrëmjen e kaluar nga njësia antiterror në komisariatin Nr.1 në kryeqytet pas një shkrimi kundër ambasadores së BE-së në Tiranë Romana Vlahutin.
Myftaraj u arrestua me akuzën për “Thirrje publike për veprime të dhunshme” të parashikuar nga neni 223 i kodit penal./javanews.al
c.a
