Ish-futbollisti i kombëtares Shqiptare, Klodian Duro do të vijojë të qëndrojë në masën e “arrestit në shtëpi”. Vendimi është dhënë sot nga gjykata e Apelit Tiranë, e cila ka konfirmuar vendimin e shkallës së parë, e cila ka mbyllur në shtëpi futbollistin, pasi është akuzuar nga ish-bashkëshortja për dhunë në familje.
Ish-bashkëshortja e Duros banonte në “ish-Bllok” dhe kishte urdhër mbrojtje që nga momenti i divorcit. Ish-gruaja e ka denoncuar vazhdimisht Duron për kanosje dhe përndjekje, përmes SMS-ve dhe dhunë në familje.
Ndërkohë në datën 24 mars 2020, ish-futbollisti Duro ka shkuar në shtëpinë e saj duke i rënë derës, ndërsa ish-gruaja, ka njoftuar menjëherë policinë. Policia e cila ka shkuar në vendngjarje, ka arrestuar Klodian Duron.
Ndërsa ky i fundit ka pretenduar se kishte shkuar në banesën e ish-gruas për të takuar fëmijët.
/a.r
Tieni Duro Campione! Lufto per femijen tend pavaresisht gjithkujt dhe gjithçkaje. Respekte!