Anulimi i seancës plenare që ishte parashikuar të mbahej sot, ka sjellë një reagim të deputetëve të Rithemelimit. Përmes një shkrese drejtuar kryeparlamentares Lindita Nikolla, deputetët e Berishës e konsiderojnë një shkelje të rëndë të rregullores së Kuvendit anulimin e seancës plenare.
Ata e konsiderojnë anulimin e kësaj seance të datës 13 mars 2023, një akt të rëndë kundër parlamentarizmit dhe një akt anti-kushtetues. Në kërkesën zyrtare të dërguar si më poshtë, ata kërkojnë që zhvillimi i kësaj seance të kryhet normalisht. Në një përgjigje zyrtare kryeparlamentarja Nikolla e argumenton anulimin e seancës shkak të kërkesës së disa deputetëve të cilët janë të angazhuar në fushatë me zgjedhësit
Nisur nga kërkesa e disa deputetëve se për shkak të angazhimeve të tyre në veprimtari me zgjedhësit e kishin të pamundur pjesëmarrjen në seancën e ditës së hënë, kam ngarkuar shërbimin e seancës të njoftojë deputetët për moszhvillimin e seancës”, thuhet në shkresën e saj.
Më tej ajo shton se Kuvendi ka pasur edhe raste të tjera kur kryetari i Kuvendit ka vendosur të mos zhvillohet seanca plenare në datën e planifikuar për shkak të kërkesave të ardhura nga deputetët./m.j
Kliko ketu per kerkesën e deputeteve
