Gjykata e Apelit në Gjirokastër ka liruar nga burgu Et’hem dhe Dino Muhaj nga fshati Rabije.
Shtetasit e lartpërmendur akuzohen për vrasjen e Alket Muhos po nga fshati Rabije. Vrasja e 43-vjeçarit, baba i dy fëmijëve, ndodhi në Memaliaj të Tepelenës në 6 shtator të 2018-ës.
Babë e bir janë lënë në “arrest shtëpie” sot duke dalë nga paraburgimi ku kanë qëndruar deri më tani, që prej arrestimit në 8 shtator të 2018-ës.
Sot në Gjykatën e Apelit u shqyrtua kërkesa e avokatit të të pandehurve, Tahir Novi, me arsyetimin e humbjes së fuqisë së paraburgimit për të pandehurit pasi Gjykata e Faktit zvarriti në këtë periudhë 2 vite e gjysmë proceset gjyqësore duke mos dhënë një vendim përfundimtar e duke kaluar afatet ligjore.
/b.h
