Prokuroria e Krimeve të Rënda ka pushuar çështjen penale për gjyqtaren e Elbasanit Pajtime Fetahu, të proceduar për akuzën e korrupsionit. Gjyqtarja Fetahu u kap nga kamerat e një emisioni televiziv, ku gjatë një bisede me një efektiv policie, transmetohej nga TV se gjyqtarja kërkonte 2 mijë euro për lirimin e një të burgosuri me emrin Kristjan Leka.
Menjëherë pas transmetimit të filmimeve, Prokuroria e Krimeve të Rënda nisi hetimet, ndërkohë që urdhëroi dhe arrestimin e dy sekserëve, shtetasve Enver Disha punonjës policie dhe edhe ish-oficeri i burgjeve Behar Kola që bënte edhe rolin e sekserit për gjyqtarët dhe prokurorët. Hetimet e kryera për këtë rast, nuk kanë provuar implikimin e gjyqtares Pajtime Fetahu, për të cilën Krimet e Rënda kanë vendosur të pushojnë dosjen penale.
Ndërkohë për dy të arrestuarit e tjerë, Behar Kola dhe Enver Disha, prokuroria ka shpallur moskopetencën hetimore, duke ja kaluar dosjen për hetime të mëtejshme për akuzën e “Ushtrimit të ndikimit të paligjshëm ndaj prokurorit dhe gjyqtarit”, prokurorisë së Elbasanit. Gjyqtarja Fetahu vijon të jetë e pezulluar nga Këshilli i Lartë i Drejtësisë dhe se pritet që në ditët. Në vijim KLD të marrë një vendim për riemërimin ose jo të saj, si gjykatëse e Elbasanit.
