Roland Dokollari, 43-vjeç që mbeti i plagosur në punë këtë të martë në Ersekë do të transportohet drejt Tiranës.
Burime për Vizion Plus bëjnë me dije se Dokollari ishte duke punuar në tansportierin e gurores në fshatin Vodicë, rreth dy kilometra larg aksit nacional.
Dyshohet se 43-vjeçari ka humbur vëmendjen gjatë procesit të punës e për rrjedhojë transportieri i ka kapur një nga gjymtyrët e sipërm duke i shkaktuar palgë të rëndë.
Burime nga spitali bëjnë me dije se gjendja e të aksidentuarit është normalizuar dhe ndodhet jashtë rrezikut për jetën, por do të transportohet drejt Spitalit të Traumës për një mjekim më të specializuar.
Policia ka nisur hetimet për zbardhjen e plotë të rrethanave të ngjarjes.
/e.d
