Efektivi i policisë Ferdinand Bahja i aksidenttuar një natë më parë është i intubuar dhe në gjendje kritike për jetën.
Aksident i rëndë ndodhi në orët e para të mbrëmjes në aksin rrugor Elbasan-Tiranë, në fshatin Gracen.
Automjeti tip “Lancia”, me drejtuese shtetasen S. V., 51 vjeçe, banuese në Tiranë, ka përplasur punonjësin e Policisë të qarkullimit rrugor të DVP Elbasan Ferdinant Bahja 53 vjeç, i cili është transportuar në spital dhe ndodhet në gjendje të rëndë për jetën.
Punonjësi i Policisë ishte në krye të detyrës, pasi kishte shkuar për të trajtuar një aksident të ndodhur më parë, daljen e një automjeti nga rruga, në këtë aks.
Drejtuesja e automjetit S. V., është arrestuar në flagrancë. Grupi hetimor po punon për zbardhjen e plotë të rrethanave të aksidentit.
/e.d
