Presidenti i Republikës Bujar Nishani po zhvillon një vizitë zyrtare në Bruksel ku gjatë ditës së sotme takoi presidentin e Komisionit Evropian DOnald Tusk. Pas takimit ata mbajtën një konferencë të përbashkët për mediat. Presidenti i KE-së Tusk theksoi rëndësinë e zbatimit të reformave në Shqipëri, në mënyrë që vendi të ecë përpara në rrugën e integrimit në BE. Zoti Tusk inkurajoi palët politike që të gjejnë gjuhën e dialogut.
“I kemi dhënë kurajo Shqipërisë. Eshtë e rëndësishme të theksojmë zbatimin reformave. Eshtë i rëndësishëm dialogu politik mes partive politike. Shqipëria është një partner i besueshëm i BE-së. Jam i bindur se me dëshirën e madhe politike për zbatimin e reformave, Shqipëria do të ketë shumë arritje.”- deklaroi presidenti i KE-së.
Ndërkohë presidenti Bujar Nishani deklaroi se Shqipëria po përmbush kriteret për anëtarësim ndërsa u ndal edhe tek kriza e emigrantëve. Nishani theksoi se Shqipëria ka shprehur vullnetin për ndaljen e fluksit të emigrantëve.
“Po përpiqemi të përmbushim betejat e BE dhe plotësojmë kriteret për anëtarësim. E falënderova zotin Tusk për mbështetjen. Në këtë kontekst, i sigurova zotit Tusk se Shqipëria do të vijojë të vazhdojë rrugën e saj të bashkëpunimit në të gjithë rajonit. I kushtuam rëndësi dhe çështjes së emigrantëve. Mogherini, Han, vizituan para pak kohësh Shqipërinë dhe ne i treguam vullnetin që të ndalimin fluksin e emigrantëve”, tha kreu i shtetit.
