Presidenti i Këshillit Evropian, Donald Tusk ka shprehur dëshirën për të zhvilluar bisedime me presidentin turk, Recep Tayyip Erdogan gjatë një samiti të NATO-s më 25 maj në Bruksel, deklaroi sot kancelarja gjermane, Angela Merkel.

Tusk konfirmoi në praninë tonë se do të kërkonte një takim me presidentin Erdogan, nëse do të paraqitej mundësia me presidentin e Komisionit Evropian, Jean-Claude Juncker, gjatë samitit të NATO-s”, saktësoi Merkel, në fund të samitit evropian me praninë e 27 anëtarëve në Bruksel.

“Tusk u shpreh se do të kunsultohej fillimisht me grupin e të 27-ve përpara takimit, një fakt i vlerësuar nga ana ime”, shtoi ajo.

Të enjten, përpara deputetëve gjermanë, Merkel vlerësoi se marrëdhënia mes Bashkimit Evropian dhe Ankarasë ishte lëkundur nga zhvillimet e fundit politike në Turqi, një ditë pas spastrimeve të reja masive në vend./b.d