“Këngë të paharruara” titullohet koncerti i këngëtarëve të njohur Kastriot Tusha dhe Sinan Vllasaliu, që do të shfaqet sot në mbrëmje në Pallatin e Kongreseve në Tiranë.
Në koncertin, i cili ka për qëllim përçimin e kësaj fryme muzikore tek brezi i ri, këngëtarët Tusha dhe Vllasalliu do të performojnë këngë me tekst dhe muzikë origjinale të autorëve: Isuf Myzyri, Artist i popullit, Mustafa Bodini, Muharrem Gurra, Qamili i Vogël (Muhaxhiri).
Drejtori artisitk i koncertit dhe violinist është Zeqir Sulkuqi, në fizrmonikë Sopot Serica, klarinetë fizarmonikë, Arben Topalli klarinetë, orkestrimi: Klement Marku, shoqëron: Orkestra Popullore e Qytetit të Elbasanit “Isuf Myzyri” (Artist popullit), grupi i valleve: “Isuf Myzyri”, koreograf: Artan Ibershimi.
Ky koncert vjen pas atij të mbajtur në Prishtinë , ku artdashës të shumtë kosovarë mirëpritën koncertin e artistëve të njohur Tusha dhe Vllasalliu.
Në një konferencë për shtyp, ditën e djeshme, këngëtari Tusha dhe Vllsalliu u shprehën se “për koncertin kemi përzgjedhur këngët më të bukura të Myzyrit, Bodinit, Gurrës dhe Qamilit të Vogël, të cilat janë marrrë nga dorëshkrimet e bashkëkohësve të tyre.
Sipas tyre, këngët të cilat këndohen në të gjitha trojet shqiptare këndohen secili në mënyrën e vet, ne i kemi punuar në mënyrën më origjinale të mundshme.
Këngëtari Tusha tha se qëllimi i koncertit është t’i transmetojmë këtë muzikë brezit të ri, sepse janë këngë të pavdekshme.
“Surpriza të tjera mbrëmjen e sotme janë Orkestra Popullore e Qytetit të Elbasanit “Isuf Myzyri” (Artist popullit), me instrumentistë që kanë më shumë se 35-40 vjet në skenë dhe Grupi i valleve: “Isuf Myzyri” me koreograf: Artan Ibershimi.
Artistët Kastriot Tusha dhe Sinan Vllasaliu do të interpretojnë 16 këngë, 4 për secilin nga autorët e njohur. Koncerti që u mirëprit në Prishtinë e që pritet mbrëmjen e sotme në kryeqytetin shqiptar do të vijojë rrugëtimin e tij edhe në Shkup. ATA
