Turqia planifikon plotësisht ndërtimin e 38 stadiumeve të reja. Kjo do të bëjë një ndërtim të imazhit sportiv të Turqisë që mungon. Kjo “lojë” i ka kushtuar rreth 50 milionë euro Federatës Turke të Futbollit, një pikë uji në detin e parave që qeveria ka vënë në dispozicion të futbollit.
Nëse Kina po përqendrohet te futbolli me urdhër të Xi Jinping, në Turqi, të shtyrë nga presidenti Recep Tayyip Erdogan, janë vënë 1 miliard euro në dispozicion të stadiumeve nga shteti. “Sulltani”, që ka një të kaluar si futbollist gjysmë-profesionist, dhe politika e tij e veprave të mëdha (ura, kanale, autostrada) janë përqendruar tani te futbollit.
Rezultati është një “park stadiumesh” që nuk ka të krahasuar në Europë: nga 2009-a në 2017-ën janë ndërtuar 21, 17 të tjerë janë programuar për 3-4 vitet e ardhshëm. Kapaciteti i këtyre stadiumeve shkon nga 50 mijë deri në 15 mijë spektatorë, kanë standarde shumë të larta dhe ekziston një dëshirë e madhe për t’ia treguar botës, duke organizuar një eveniment të madh.Stambolli ka hedhur kandidaturën për finalen e Champions League 2020, por objektivi kryesor është Euro 2024.
Turqit do të sfidojnë Gjermaninë. “Herën e fundit kemi humbur me Francën për një votë dhe në të kohë ishte Platini. Sot, me Ceferin presim që votimi të jetë i pastër”, ka thënë zëvendëspresidenti i Federatës Turke të Futbollit, Servet Yardimci, 59 vjeç.
Pengesat mund të përfaqësohen nga protokolli i UEFA-s mbi të Drejtat e Njeriut dhe situata politike: “Por futbolli i kalon tensionet ndërkombëtare, – ka vazhduar Yarddimci, – mbaj mend një miqësore me Rusinë të organizuar në Antalya në kulmin e krizës. Ka qenë një sukses”.
Ambiciet për madhështinë turke nuk limitohen te stadiumet. Erdogan është në favor të krijimit të një Super Lige, mes katër kampionateve kryesore të Europës. Sot, kampionati turk është në vendin e 10-të në renditjen e UEFA-s, por është ekonomia e gjashtë e futbollist europian (pas Big 5).
Në verë kanë shkuar atje një lum yjesh, ose lojtarët që janë akoma në kulmin e karrierës së tyre: Nasri, Gomis, Pepe, Medel, Soldado, Menez, vetëm për të përmendur disa. Klubet kanë bërë merkaton përrallore, pavarësisht shqetësimit të përgjithshëm për rritjen e borxheve të klubeve. Tre më të mëdhatë, Galatasaray, Fenerbahçe dhe Besiktas thuhet se kanë arritur një borxh të përgjithshëm prej 850 milionë eurosh, pavarësisht taksave më të lehta dhe rritjes së të ardhurave, përgatiti “Telesport.al”. (b.an)
