18 sauditë po heton me akuzën për “vrasje të qëllimshme me paramendim” dhe torturë ndaj gazetarit Jamal Khashoggi.
Zyra e prokurorisë së Stambollit ka paraqitur një kërkesë Arabisë Saudite për ekstradim e të dyshuarve, tha një zyrtar i lartë turk për CNN.
Por ministri i Jashtëm saudit, Adel Al-Jubeir raportoi se kërkesa do të mohohet.
“Individët janë shtetas sauditë,”-tha ai. “Ata janë arrestuar në Arabinë Saudite dhe hetimi po bëhet në Arabinë Saudite, ndaj ata do të ndiqen penalisht në Arabinë Saudite”.
Princi i Kurorës Saudite, Mohammed bin Salman, tha më parë këtë javë në Riad se mbretëria do të zbatojë të gjitha rregullat e nevojshme dhe do të hetojë ngjarjen. Ai theksoi se do të vendosen para drejtësisë përgjegjësit për vrasjen e gazetarit në konsullatën saudite në Stamboll.
Rijadi vazhdon të pohojë se as princi Salman dhe as mbreti nuk ishin në dijeni të operacionit për vrasjen e Jamal, i cili ishte një kritik i qeverisë saudite dhe shkruante për The Washington Post.
Arabia Saudite fillimisht tha se gazetari saudit ishte larguar nga konsullata në Stamboll më 2 tetor, por më vonë deklaroi se ai kishte vdekur gjatë një përplasje me zyrtarët sauditë.
Prokuroria publike e Arabisë Saudite tha të enjten se vrasja e Khashoggi ishte e paramenduar.
a.ç
