Forcat e armatosura turke kanë nisur vendosjen e tankeve në Silopi, në krahinën juglindore Sirnak, në kufirin midis Turqisë, Sirisë dhe Irakut, raporton Anadolu Agency.
Në Silop është duke vijuar dislokimi i tankeve nga rrethina e Ankarasë, ndërsa bëhet fjalë për mjete të blinduara të Brigadës së 28-të të makinerisë.
Ministri i Mbrojtjes i Republikës së Turqisë, Fikri Isik, deklaroi sot në Ankara se dërgimi i tankeve dhe forcimi i masave të sigurisë në kufirin turk me Irakun dhe Sirinë është masë e domosdoshme që forcat turke e ndërmarrin duke marrë parasysh zhvillimet në këtë rajon./a.m.
