Turqia ka dënuar të mërkurën sulmin me dron të rebelëve Huthi, i cili synoi zonën pranë qytetit të shenjtë të Mekës në Arabinë Saudite.
Ministria e Jashtme turke e cilësoi sulmin si të papranueshëm dhe riafirmoi mbështetjen e Ankarasë për sovranitetin, integritetin territorial dhe sigurinë e Arabisë Saudite.
Koalicioni i udhëhequr nga Arabia Saudite njoftoi se mbrojtja ajrore saudite kishte kapur dhe shkatërruar një dron të lëshuar nga Huthit në jug të Mekës, përpara se ai të hynte në hapësirën ajrore të kufizuar të qytetit të shenjtë.
Turqia shprehu gjithashtu solidaritet me Arabinë Saudite dhe bëri thirrje për ndalimin e menjëhershëm të sulmeve, duke paralajmëruar se veprime të tilla kërcënojnë stabilitetin dhe sigurinë në rajon.
Konflikti në Jemen ka vazhduar që prej vitit 2014, kur Huthit morën kontrollin e kryeqytetit Sana dhe pjesë të vendit. Një koalicion arab i udhëhequr nga Arabia Saudite ndërhyri në vitin 2015 në mbështetje të qeverisë së njohur ndërkombëtarisht.
Në muajt e fundit, Huthit kanë intensifikuar përplasjet me forcat qeveritare dhe kanë kryer sulme ndaj objektivave saudite, përfshirë infrastrukturën e naftës
