Në një deklaratë për mediat të Zyrës së Koordinimit të Kryeministrisë së Turqisë thuhet se numëri i të arrestuarve të dyshuar për terrorizëm deri më tani ka arrıtur në 1 mijë e 302 persona.
Në deklaratë thuhet se operacionet ndaj organizatave terroriste si DAESH, PKK dhe DHKP-C të cilat synojnë prishjen e qetësisë publike dhe organizojnë sulme ndaj policisë dhe ushtrisë turke, janë duke vazhduar brenda dhe jashtë vendit.
Në këtë kontekst në operacionet e zhvilluara gjatë natës së mbrëmshme ushtria turke ka goditur 6 objektiva brenda të cilëve ishin qendra strehimi, depo armatimesh dhe logjisitke, etj, si dhe që i përkasin organizatës terroriste PKK kryesisht në veri të Irakut.
Ndërkohë në operacionet e organizuar në 39 qytete të ndryshme të Turqisë nga policia dhe xhandarmëria e këtij vendi deri më tani janë arrestuar 1 mijë e 302 persona të cilët dyshohen të kenë lidhje me organizata të ndryshme kriminale dhe terroriste si DAESH, PKK dhe DHKP-C.
Në deklaratë thuhet gjithashtu që për një pjesë ka mbaruar procesi i marrjes në pyetje dhe hetimi, ndërsa për një pjesë tjetër ky proces është në vazhdim.
