(Update) Është rritur numri i viktimave dhe të plagosurve në sulmin terrorist në Ankara të Turqisë të ditës së sotme. Sipas mediave turke, janë plot 30 të vdekur dhe rreth 126 të plagosur.
Sulmi kamikaz ndodhi në afërsi të stacionit të trenit të Turqi, ku po mbahej një tubim paqësor.
Shpërthimi ndodhi në momentin që të pranishmit në tubim, po këndonin dhe po kërcenin valle. Por vetëm pak kohë më pas, një kamikaz ka shpërthyer veten duke sjellë edhe pasojat tragjike.
Dy shpërthime kamikaze në Ankara, 20 të vdekur, mbi 100 të plagosur
Dy shpërthime të fuqishme kanë ndodhur në kryeqytetin e Turqisë, Ankara sot gjatë orëve të mëngjesit, ku për pasojë kanë gjetur vdekjen 20 persona, ndërsa mbi 100 të tjerë kanë mbetur të plagosur.
Ngjarja ka ndodhur gjatë një tubimi, ku fillimisht është dëgjuar një shpërthim poshtë një ure në afërsi të stacionit të trenit, dhe më pas një kamikaz ka shpërthyer veten në mes të turmës.
Shpërthimi i fuqishëm ka ndodhur në zonën ku ndodhet edhe stacioni i trenit të këtij qyteti, ndërkohë ende nuk dihet arsyeja e shpërthimit. Në vend ngjarje janë drejtuar një numër i madh ambulancash dhe personeli shëndetësorë, nga ana tjetër raportohet për të vdekur dhe të plagosur.
Gjatë ditës së sotme në sheshin Sıhhiye të Ankarasë pritej të zhvillohej një marshim me moton “Kundër luftës, Paqje menjëherë dhe tani. Paqe, punë dhe demokraci”. Vendi ku do të fillonte ky marshim ishte caktuar stacioni i trenit të këtij qyteti.
https://www.youtube.com/watch?v=D75etrJxXRY
