Një ish gazetare e BBC është gjetur e vdekur në tualetet e aeroportit Ataturk të Stambollit. Jacky Sutton ishte nisur nga Londra drejt Stambollit, për të shkuar më pas në Erbil të Irakut.
Sipas stafit të kompanisë ajore ish gazetarja dukej në një gjëndje të stresuar në çastin kur iu komunikua se do të duhej të blinte një biletë të re për të shkuar drejt destinacionit të saj. Ende nuk dihen shkaqet e vdekjes së saj. 59 vjeçarja është gjetur e varur në njërën nga tualetet e aeroportit dhe sipas personave që kanë dëshmuar për ngjarjen, ajo nuk është vetëvrarë, por përkundrazi, e kanë vrarë.
Trupin e saj të pajetë e gjendën disa pasagjerë rusë që ndodheshin në aeroport.
Vdekja e saj vjen vetëm pesë muaj pasi paraardhësi i saj në organizatë u vra në një sulm me makinë bombë në Bagdad.
Ajo ka mbajtur poste të ndryshme gjatë viteve në organizatat humanitare dhe Kombet e Bashkuara, si dhe ka punuar si producentë për BBC, sipas profilit të saj në LinkedIn.
