STAMBOLL- Gjykata në Turqi ka shqiptuar masën e paraburgimit për, Harun Çelik, i cili dy ditë më parë u deportua nga Shqipëria në Turqi, raporton Anadolu Agency (AA).
Gjykata vendosi të shqiptojë masën e paraburgimit me akuzat për “pjesëmarrje si anëtar në organizatë të armatosur terroriste”. Turqia e akuzon Harun Çelik si anëtar organizatës terroriste ‘FETO’.
Çelik, u arrestua në kuadër të një hetimi të Kryeprokurorisë Publike të Stambollit dhe pas përfundimit të procedurave në Policinë e Stambollit u transferua në një gjykatë me kërkesë të kryeprokurorisë.
42-vjeçari, baba i katër fëmijëve më herët ka qenë i dënuar disa muaj në Shqipëri, pasi u arrestua në aeroportin e Rinasit për veprat penale “falsifikim i letërnjoftimeve, i pasaportave ose i vizave” dhe “falsifikim i dokumenteve”.
