Shqipëria turistike eshte përsëri në vëmëndjen e shtypit të huaj. Këtë herë është gazeta Italiane “Il Sole 24 Ore” që konfirmon rritjen e turizmit shqiptar këtë vit krahasuar me vitin 2014.
Sipas të dhënave të mbledhura nga porti i Barit, gazeta italiane shkruan se numri i tranziteve në këtë port është rritur ndjeshëm gjatë këtij muaji: mijëra pasagjerë po udhëtojnë nëpër destinacione të tilla si Shqipëria, Greqia, Kroacia dhe Mali i Zi.
Shqipëria kryeson listën me 66% të totalit të numrit të udhëtarëve. Klima dhe natyra e veçantë e Shqipërisë, plazhet e e qetë, natyra malore e pa exploruar, kurioziteti kulturor, kulinaria vendase, kanë bërë që vizitorët në vendin tonë të rriten nga viti në vit.
