30 nëntori është caktuar si afati i fundit nga qeveria për regjistrimin e të gjitha njësive akomoduese që deri më tani kanë funksionuar me klientë online nëpërmjet aplikacioneve të ndryshme, duke shmangur regjistrimin dhe pagesën e taksave pranë autoriteteve shtetërore.
Por edhe pse jemi në fund të këtij afati, në Gjirokastër numri i subjekteve të regjistruara është mjaft i ulët krahasuar me numrin real që funksionojnë në të zezë.
Zyrtarë të taksave në bashkinë e Gjirokastrës deklarojnë se pas 30 nëntorit do të vijojnë kontrollet në terren.
Një prej administratorëve të hoteleve në Gjirokastër shprehet se kjo është një nismë shumë e mirë pasi edhe në rast të mosregjistrimit vullnetar të njësive akomoduese, aplikacionet online do të taksojnë direkt subjektet në marrëveshje me qeverinë shqiptare
Sektori i hotelerisë në Gjirokastër është zhvilluar ndjeshëm, por ende strukturat shtetërore nuk kanë një databasë të saktë për numrin e tyre, pasi shumica e tyre operojnë të paregjistruar.
/f.s
