Rritja e numrit të turistëve italianë në Shqipëri, ka sjellë në Tiranë rreth 60 tur operatorë dhe përfaqësues agjencish të rajonit të Puljas, pjesë e shoqatës kombëtare italiane të udhëtimit. Iniciativa synon promovimin e Shqipërisë turistike dhe mundësi më të madhe komunikimi me tur-operatorë vendas. Sipas ministrisë së Turizmit, 60 tur-operatorët e rajonit të Pulias kanë ardhur në Shqipëri për të parë më nga afër mundësitë e bashkëpunimit.
Gjatë takimit me ta, ministri Klosi theksoi se janë të gjitha mundësitë që të disafishohet numri i turistëve duke hapur tregun shqiptar për shumë më tepër vizitorë italianë. Si theksoi se janë të gjithë mundësitë që Shqipëria të jetë një destinacion me të gjitha parametrat për turistët italianë. Një prej tyre turizmi blu që duhet të jetë një tjetër mënyrë komunikimi midis Shqipërisë dhe Italisë.
“Shqipëria do të jetë shumë më tepër aktive në ofrimin e mundësive të bregdetit të saj për turizmin e marinës”, tha ministri Klosi.
Italia mban vendin e katërt në renditjen e shtetasve të huaj,që hyjnë në Shqipëri për turizëm. Numri i shtetasve italianë që kanë vizituar Shqipërinë, nga Janar- Gusht 2019, vihet re një rritje prej 7. 2% krahasuar me të njëjtën periudhë të një viti më parë.
