Kryeministri Edi Rama bashkë me ekipin e tij fitues të deputetëve e kanë ndalur turin e dëgjesave me qytetarët në Vlorë. Të shumtë kanë qenë qytetarët që kanë shprehur interesin që të marrin fjalën dhe të shprehin shqetësimet e tyre para kreut të qeverisë. Ndaj, ‘lufta’ për të marrë mikrofonin ka pushuar kur ka ndërhyrë vet zoti Rama, i cili vendosi edhe vet radhën se kush do të flas.
Kryeministri e pati të vështirë të vinte rregull tek qytetarët e Vlorës, që kërkonin të flisnin të gjithë. Por ama ka theksuar se gratë janë të parat. “Të lutem shumë me zor nuk e merr dot mikrofonin, jepja zonjës me kapele mikrofonin. Po na krijoni situata të pakuptueshme. Kam vajtur në tërë ato dëgjesa dhe këtë punë nuk e kam parë. Burrat pas grave”, tha Rama.
“Do ta drejtoj vet ku do shkoj mikrofoni, Dhe të lutem shumë me radhë. Të lutem shumë. Me radhë. Të lutem. Mos ngrini duart, me radhë. Kaq!”, tha ai. Vetë Rama tha se fjalën do ta kishin si fillim gratë, ndërsa pohoi se u habit me sjelljen e vlonjatëve. “Ketë situatë në Vlorë se kam parë në asgjë dëgjese”, tha Rama.
