Kryeministri grek Alexis Tsipras ka deklaruar se negociatat me Shqipërinë për marrëveshjen për kufirin detar janë drejt fundit.
Në një deklaratë për mediat greke kreu i qeverisë helene tha se çështje që ende kanë mbetur pa zgjidhur janë, ligji i luftës dhe kufijtë.
“Jemi shumë afër marrëveshjes me Shqipërinë për zonat ekskluzive ekonomike. Zgjidhja i jep avantazhe shumë të rëndësishme palës greke. Përtej ZEE dy çështjet që kanë mbetur janë ligji i luftës dhe kufijtë, për të cilat jemi shumë afër zgjidhjes. Kemi avancuar deri në një pikë të rëndësishme, por nuk mund të themi se i kemi finalizuar”, tha Tsipras
Mes të tjerash ai tha se gjatë takimit me kryeministrin Edi Rama u pajtuan që të dyfishohen përpjekjet për finalizimim e marrëveshjes.
“Me Ramën u pajtuam që të dyfishojmë përpjekjet.
Herën tjetër që të dy ministrat e jashtëm do ta takohen do të dyfishojnë përpjekjet e tyre, pa pasur ndonjë presion të veçantë për të parë se deri në çfarë mase mund të kemi një zgjidhje pozitive sa më shpejt të jetë e mundur”, tha Tsipras.
Ndërkohë mediat greke ngrenë pikëpyetje lidhur me faktin se çfarë ka dashur të thotë kryeministri Tsipras me termin “kufijtë” ndërsa shkruajnë se kjo çështje mbetet për t’u sqaruar.
a.ç
