Presidenti i Republikës së Shqipërisë, Bujar Nishani mblodhi paraditen e sotme akademikë, profesorë e rektorë për të dëgjuar argumentet e tyre pro dhe kundër ligjit të ri të Arsimit të Lartë, të miratuar javën e shkuar në parlament me 78 vota pro dhe që pritet të marrë firmën e tij.
Për këtë projektligj ka pasur kundërshti nga disa petagogë, por në mbledhjen me Presidentin, është vënë re një përçarje midis tyre.
Rektorët e vetëm të ftuar në takimin konsultativ me Presidentin në lidhje me ligjin për Arsimin e Lartë, duke pranuar se situata aktuale në Arsimin e Lartë ka shumë probleme, ata shtuan se hartimi i këtij ligji vjen pikërisht në momentet kur kjo situatë ishte agravuar. Duke pranuar se procesi konsultativ mes Komisionit, Qeverisë dhe Universiteteve, që shoqëroj hartimin e këtij ligji ishte i gjatë dhe mori edhe në konsiderat komentet e universitetit, ata vlerësuan parimet që shoqëron ky ligj. Ata theksuan se risit e reja që sjell ky ligj, të cilat kanë në qendër të fokusit të tyre orientimin drejt parimeve evropiane të cilësisë së mësimdhënies, i përgjigjen kërkesave të tregut, nevojave të studentëve, përmirësimit të cilësisë dhe autonomisë së stafit akademik.
Kështu Rektori i Universitetit Politeknik të Tiranës, Jorgaq Kaçani u shpreh se: “Problematikat e deritanishme në sistem krijuan nevojën për hartimin e një ligji të ri. Ishte një proces tepër i gjatë konsultimesh mes Qeverisë dhe aktorëve të arsimit të lartë. Ligji sjell risi të mëdha si; delegimi i kompetencave në departamente, duke e kthyer pedagogun në qendër të universitetit, sjell autonomi universitare, administron nga pikpamja financiare më mirë universitetin nëpërmjet figurës së administratorit të cilën e gjejmë në shumë borde të eksperiencave ndërkombëtare.”, tha ai.
Ndërkohë duke theksuar rëndësinë që ligji i jep studentëve ai u shpreh: “Ligji mbështet studentët e ekselencës, grupet e studentëve në nevojë dhe ata që i drejtohen degëve me prioritet kombëtar.”
Ndërsa Rektori i Universitetit të Vlorës, Albert Qarri, u shpreh se “Komisioni dhe Qeveria kishte marrë në konsideratë implementimin e vërejteve të dërguara nga ky institucion në lidhje me ligjin. Ai tha se Ligji i mundëson dhe i orienton universitetet drejt parimeve evropiane të arsimit. Probelmi nuk qëndron te ligji, por te sfida për implementimin e tij.”
Rektori i Universitetit të Durrësit, Mit’hat Mema nga ana tjetër tha se “procesi për të ardhur tek ligji duke kaluar nëpërmjet një periudhe të gjatë konsultimesh me grupet e interesit. Janë marrë në konsiderat rekomandimet e universiteteve në ligj. Ligji orienton universitetit drejt tregut të lirë. Universitetet orientohen drejt cilësisë dhe për pasoj dhe rritjes së financimit.”.
