Trupi i pajetë i gjetur dy ditë më parë rreth 5-7 milje pranë Plazhit të Gjeneralit, në Bisht Pallë, dyshohet të jetë i një shtetasi italian.
Hetuesit dyshojnë se ai është një nga personat e zhdukur nga gomonia, e cila u gjet e mbytur me 11 mars të këtij viti, nga policia e Vlorës në Sazan. Ky dyshim i policisë është shtuar, pasi atij me vete i është gjetur një telefon celular, që mbante një numër italian.
Ai mbante veshur edhe një jelek shpëtimi, që nuk arriti ta shpëtonte, shkruan AbcNews. Për këtë shkak hetuesit e Policisë dhe të Prokurorisë së Kavajës, kanë kontaktuar me homologët e tyre italianë, për të identifikuar të mbyturin.
a.ç
